Aesop's Fables... in Latin!
Agitābat Coriārius quīdam ūnā Equum et Asinum onustum. Sed in viā fatiscens, Asinus rogābat Equum ut sibi succurreret et velit portiunculam oneris tantī tolerāre. Recūsābat Equus et mox Asinus onerī tōtus succubuit et hālitum clausit suprēmum. Herus accēdens mortuō Asinō sarcinam dētraxit et, pelle superadditā excoriātā, omnia Equō imposuit. Quod cum sēnsisset Equus, ingemuit, inquiens, “Quam misellus ego, quī, cum portiunculam oneris sociī ferre recūsāverim, iam tōtam sarcinam cōgar tolerāre.”
Tags:
© 2009 Created by Laura Gibbs on Ning. Create Your Own Social Network
You need to be a member of LATIN VIA FABLES: AESOPUS to add comments!
Join this social network